ಮುಕುರಂ ಕೈಯೊಳಿರಲ್ಕೆ ನೀರ ನೆಳಲೇಕೈ ಕಾಮಧೇನಿರ್ದುಮೂ |
ಟಕೆ ಗೊಡ್ಡಾಕಳನಾಳ್ವರೇ ಗುಣಯುತರ್ ಪಾಲುಂಡು ಮೇಲುಂಬರೇ ||
ಶುಕನೋದಿಂಗುರೆ ಚೆಲ್ವೆ ಕಾಕರವ ರಂಭಾನೃತ್ಯಕಂ ಡೊಂಬರೇ|| ||
ಮುಕುರಂ ಕೈಯೊಳಿರಲ್ಕೆ ನೀರ ನೆಳಲೇಕೈ
ಕನ್ನಡಿ ಕೈಯಲ್ಲಿರುವಾಗ ಮುಖನೋಡಲು ನೀರೇಕೆ ಬೇಕು? ನೆಳಲು=ನೆರಳು, ನೀರ ನೆರಳೂ ಬೇಡ ಎನ್ನುವ ಅರ್ಥದಲ್ಲಿರಬಹುದು.
ಕಾಮಧೇನಿರ್ದುಮೂಟಕೆ ಗೊಡ್ಡಾಕಳನಾಳ್ವರೇ
ಕಾಮಧೇನು ಇರ್ದುಂ ಊಟಕೆ ಗೊಡ್ಡಾಕಳ ಆಳ್ವರೇ ? ಕಾಮಧೇನುವೇ ಇದ್ದರೆ ಯಾರಾದರು ಕರಾವಿಗೆ(ಡೈರಿ) ಬರಡು ಆಕಳನ್ನು ಇಟ್ಟು ಕೊಳ್ಳುತ್ತಾರೆಯೇ ?
ಗುಣಯುತರ್ ಪಾಲುಂಡು ಮೇಲುಂಬರೇ?
ಒಳ್ಳೆಯವರು ತಮ್ಮಪಾಲಿಗೆ ಬಂದಿದ್ದನು ಅಲ್ಲದೇ ಇನ್ನೂ ಹೆಚ್ಚು ಅಪೇಕ್ಷಿಸುವರೇ ? ಇದು ಹಾಲನ್ನು ಉಂಡಮೇಲೆ ಮತ್ತೇನು ಉಣ್ಣಬಾರದು ಎಂದು ಆಗುತ್ತದೆಯೇ? ಹೌದು ಎಂದು ಬಲ್ಲವರೊಬ್ಬರು ಹೇಳಿದ್ದಾರೆ.
ಶುಕನೋದಿಂಗುರೆ ಚೆಲ್ವೆ ಕಾಕರವ
ಶುಕನ ಊದಿಂಗೆ (ಗುಣ ಸಂಧಿ) ಉರೆ ಚೆಲುವೆ ಕಾಕರವ ? ಕಾಗೆಯ ಕೂಗು ಶುಕನ ಉಲಿತಕ್ಕಿಂತ ಚೆಲುವೆ?
ರಂಭಾನೃತ್ಯಕಂ ಡೊಂಬರೇ
ರಂಭಾನೃತ್ಯಕ್ಕೆ ಡೊಂಬರ ನೃತ್ಯ ಸರಿಸಮವೇ ? ಹಿಂದಿನ ಪ್ರಶ್ನೆ ಇಲ್ಲಿಗೂ ಅನ್ವಯವಾಗುತ್ತದೆ.
(ಡೊಂಬರಾಟ ಎನ್ನುವುದು ಜಾನಪದ ನೃತ್ಯಗಾಯನ ಪದ್ದತಿ ಎಂದು ಕೇಳಿಬಲ್ಲೆ.)
ರಾಗು ಕಟ್ಟಿನಕೆರೆ
