ಬೆಳಗಾಗಬೇಕು

ಬೆಳಗಾಗಬೇಕು
=========
ಜಗ ಸಣ್ಣ ಮನದೊಡ್ಡ ಮರೆತವರು ಮತ್ತೆದುರು ಮೂಡಲೇಬೇಕು
ತಪ್ಪ ತಾಳೀತು ಮನ, ಒಪ್ಪಲು ಕಾಲ ಬೇಕು
ಕಪ್ಪಳಿಸಲಾರವಿಗೆ ಮೂಡಲೇ ಬೇಕು

ತಪ್ಪಲ್ಲ ಒಪ್ಪಿದರೆ ಮಾಡಿದರೊಮ್ಮೆ ಮಾತ್ರ.
ಅಪರೂಪಕೆಡವುವುದು ಸಹಜ, ಸಹಿಸಬೇಕು.
ಬೀಳದೇ ಇರುವವರು ಯಾರಿಲ್ಲ, ಬಿದ್ದವರು ಏಳಲೇಬೇಕು.

ಈ ವೇಷ ಆವೇಶ, ಅಳಿದು ತಮವಿಳಿದು ಬೆಳಗಾಗಬೇಕು.
ಮರೆತವರ ನೆನಪಾಗಿ ಮನದಗುಳಿ ಸರಿದು ಕದತೆರೆದು ಮನ ಮುದಗೊಳ್ಳಬೇಕು.
ಜಗ ಸಣ್ಣ, ಮನಸು ಮೃದುವಾಗಬೇಕು.

ಮುನಿಸಿಕೊಂಡವರ ನೆನಪು ಆಗಿಯೇ ಆಗುತ್ತದೆ. ಆದಾಗ ಎಲ್ಲ ಮರೆತು ಮತ್ತೆ ಸ್ನೇಹಿತರಾಗಬೇಕು ಎನ್ನುವುದು ತಾತ್ಪರ್ಯ.

ಮೂಡಲೇಬೇಕು = ನೆನಪಾಗೇ ಅಗುತ್ತದೆ ಎನ್ನುವ ಅರ್ಥ

ಮೂಡಲೇ ಬೇಕು = ಸೂರ್ಯ ಹುಟ್ಟುವುದು ಮೂಡಲಲ್ಲಿ ಮಾತ್ರ

*"ಈ ವೇಷ ಆವೇಶ" ಮಹಾಬಲಹೆಗಡೆ ಕೆರೆಮನೆ ಇವರ ಯಕ್ಷಗಾನದ ಮಾತುಗಾರಿಕೆಯಿಂದ ಆಯ್ದ ಪದಗುಛ್ಛ